جزيرة بالي اﻻندونسية الساحرة

جزيرة بالي الساحرة المتواجدة باندونسيا
🔴 بالي جزيرة من جزر اندنوسيا
🔴 اندنوسيا شعب مسلم لكن معظم شعب بالي هندوس
🔴 بالي من أكثر الوجهات التي تستقطب السياح في العالم..
🔴معظم شعوب آسيا مضيفين ويحبو السياح
🔴مناخ البلد استوائي
🔴أفضل فترة للسياحة من شهر ماي إلى أكتوبر
🔴من الأفضل شراء التذاكر قبل السفر بوقت طويل حتى تكون أرخص، حنا شريناهم 14 مليون قبل السفر بأيام
🔴 الأكل الحلال متوفر وبزاااف بنين
🔴 أسعار الأكل أقل من الجزائر، تقدر تاكل في warung ب3 دولار، لكن الأكل بنين والعصائر الطبيعية بزاف بنينة تلقى روحك تاكل بزاف 😂😂
🔴 النقل : وسيلة النقل المفضلة هي الدراجة النارية تكريها ب 3 دولار لليوم، وللأماكن البعيدة كنا نكرو سيارة تقريبا 5000 دج يديك وين تحب يوم كامل
🔴 أسعار الاوتيلات مليحة بزاف، لكن انت ودراهمك، ب 10 اورو تقدر تلقى غرفة لشخصين مع الفطور، اذا حبيتو معلومات أكثر نقدرو نحطولكم صور كل اوتال رحنالو مع الأسعار
🔴 كاين ناس يروحو لبالي مدة طويلة توصل لعام لأنو فيها أماكن بزاف مليحة، يعني كل واحد لازم يخير الأماكن لي يروحلها حسب واش يحب لأنو مستحيل تشوف كلش، هو موضوع طويل ايلا حبيتو نحكولكم عليه بالتفصيل
🔴 اندنوسيا بلد بعيد، انت رحت رحت تقدر تروح لبلد مجاور، تسقاملك رخيصة وتكون درت بلد كامل .